泰國最出名嘅傳統節日係潑水節。每年嘅13/4-15/4就係法定嘅潑水節假期,喺呢幾日入面,大大小小嘅鋪頭、寫字樓都會閂門,因為每個泰國人都會將呢幾日時間留黎同屋企人相處。 當然喺呢三日嘅「泰國農歷新年」入面,傳統上泰國人會有不同嘅儀式進行,就好似香港人過農曆新年一樣。但講到底,佢地會向不同人潑水嘅原因其實唔係出於好玩,而係佢地相信水係一種對別人嘅祝福,可以幫你將之前嘅衰運沖走。 想去曼谷同泰國人一齊慶祝潑水節嘅朋友,就要留意番曼谷最多人慶祝嘅地方係喺Silom同考山路。 講住呢度先!下個post再同大家講吓各個地方分別有咩玩!

Write A Comment